WAGHAHAN LAMPUNG "BEGHUK KALELOP"

BEKHUK KALELOP

Di Tulis Ulih: Hazizi Ibn Khaliq

Alkisah hughiklah beghuk, kuya, kamiccak ghik balang. Kuya hinno ialah binatang sai demon begughau, lamon sai demon jama ia, sumang lagi jak beghuk sai pumaghah ghik mak sabaghan.

Suatu ghani, beghuk ngajak kuya ngawil di way balak mak jaoh jak ghang na tinggal.

 “Pah Kuya gham ngawil gawoh” cawa ni beghuk. Ajakan beghuk hinno diteghima ulih kuya. Kuya mulang ngakuk kawil ni, ghanno moneh beghuk, di tengah ghelaya kuya tungga jama balang ghik kamiccak, ia laju ngajak tiyan ghua nutuk ngawil.

Togok di way balak, cakaklah tiyan 4 jinna di lom jukung, mulai lah beghuk ngedayung jukung mit tengah. Togok di tengah tian 4 mulai ngawil. Ulih Beni mak massa, beghuk kesol, ghik mulai ngeghibol.  Maghah-maghan nenggalan. lain beghuk gelaghna ki dapok sabagh

Ulih haga ngehibur beghuk, balang ghik kamiccak, kuya mulai busagata, “iccang-iccang kapudang, beghuk mancing beghuk tuha”  lalanglah balang ghik kamiccak nengis sagata ni kuya.

Sumang lagi beghuk, ia malah tersinggung, ghik ngayun kuya hamma. Kuya sangun demon begughau, dilanjutko luwatlah sagatana “iccang-iccang kapudang, beghuk mancing beghuk tuha” tambah lalanglah balang ghik kamiccak. Beghuk tambah maghah ghik ngancam haga ngebalik ko jukung ki kuya pagun busagata “Dang ti laju ko kuya” cawa ni beghuk. Injuk mak di tengis kuya cawa ni beghuk ya pagun busagata “iccang-iccang kapudang, beghuk mancing beghuk tuha”. Beghuk kebanian laju ni balik ko na lah jukung no, semakkung kesipak balik, kuya languy lom way, kamiccak luccak mit penggeng, balang hambogh, tinggal  beghuk sai kelelop.