TEPIK GHASAN
Karya Hazizi Ibn Khaliq
Unggal tungga nyippon ghasa
Ghedik badan kidang mak cawa
Segala guai nahan cagha
Buhati mak busuagha
Lain… lain mak kuwawa
Ingok dighi kala budandi
Sanak sakik tutuk mak ngemik
Tangih sekula ghanno pun ngaji
Ketutuk puaghi ghamik
Tughunan payah mak ketemah
Sedong Ia anak punyimbang
Anak tuha jadi tutukan
Ghaduk ngedok, helau tughunan
Telaju di penakai, bu ilmu bu agama
Unggal ingok ni bagian
Ghetok pujama tinggal haghopan
Nyebik hati miwang tenggalan
Tepik sayang tepik ghasan.
BAKAS SEMANDA
Sakik ku bakas semanda….
Kimak ulih demonku di niku
Tepik lamban tepik jengan
Hambogh nyepok kehughian
Ughus dighi tenggalan
Habang….habang goh layangan
Sakik ku bakas semanda…
Nuppang lamban nuppang mengan
Mak ngedok kelajuan
Payah ngebidi hughik jejama
Segala tingkah ni mak kena
Temah…temah mak ketemah
Sakik ku bakas semanda…
Kegheja nulung abang
Mak moneh sekenaan
Payah badan upahan
Pagun jadi kicikan
Kilu… kilu lamon pengilu
Sakik ku bakas semanda…
Pulipang pagun sayang
Pujama jadi haban.
Lain ki pandai menalom mawat
Lagi tetawway nyusun kalimat
Mahap pai pun lagi cacuba
Tidak ada komentar:
Posting Komentar