Puisi Lampung Tehakkik

NGEHABA

Karya  Hazizi Ibn Khaliq                                       

Nyak miwang halok mak basoh pudak

Di kekheloman hati ku sesak

Di isan wat sesol ku sai bunjak

Panas kemegha suluh panjak

Sandangan butaka-taka biak

Halok...halok  mak ngedok lagi sai gegoh nyak

MEGHANAI AMPAI CAKAK

Sangun nyak lain angin

Kidang laku ku lain tahanan

Cawa pungah ngesai di badan

Mak malah kipak nyak salah

Mak jippang kipak mak menang

Unyin ni deku haku

Nyak kawa

Nyak bani

Nyak dapok

Nyak pandai

Angkah nyak

Tagan nyak kecadangan

Asal dang liom

TEHAKKIK

Datas batu balak nyak cecok cungak

Helau hattok halok mak guyak

Di bah ku keghikil lunik tengliak

Meng ngedok sai lebih jak nyak anggop ku

Kala nyak tahumbak

Disan nyak miyah minjak

Sakik di tuluy liom

Togok di ubun kughuk di sukma

Nyadaghko nyak jak anggopan

Ya Pun…. Penyanaku melunik

Bang nyak sai mak ngeliak

Mata ku buta

Hati ku kelom padom

Nyak tedaya hanyuk di nyana

Anggop ku mataghani

Padahal kah lentigha 
Di isan nyak tehakkik